منتدانا


 
الرئيسيةالرئيسية  البوابةالبوابة  مكتبة الصورمكتبة الصور  التسجيلالتسجيل  دخول  

شاطر | 
 

 يامنه(عبدالرحمن الابنودي)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mahmoudnegm
المدير
المدير
avatar

عدد الرسائل : 288
رقم العضويه : 1
تاريخ التسجيل : 23/03/2008

مُساهمةموضوع: يامنه(عبدالرحمن الابنودي)   الأربعاء مارس 26, 2008 4:34 am

يـامنـــه !!

والله وشبت ياعبد الرحمن
عجزت ياواد ؟
مسرع ؟
ميتى وكيف ؟
عاد اللى يعجز
فى بلاده
غير اللى يعجز ضيف
هلكوك النسوان ؟
شفتك مره فى التلفزيون
ومره ورونى صورتك
فى الجورنان
قلت كبر عبد الرحمن !!
امال انا على كده مت
بقى لى ميت حول !!
والله خايفه ياولدى القعده تطول
مات الشيخ محمود
وماتت فاطنه اب قنديل
واتباع كرم اب غبان
وانا لسه حيه
وباين حاحيا كمان وكمان
عشت كتير
عشت لحد ماشفتك عجزت
ياعبد الرحمن
وقالولى قال خلفت
وانت عجوز خلفت ياخوى
وبنات ؟
امال كنت بتعمل ايه
طيلة العمر الفات ؟
دلوقت مافقت ؟
وجايبهم دلوك تعمل بيهم ايه ؟
على كل
اهى ريحه من ريحتك
ع الارض
يونسوا بعض
ماشى ياعبد الرحمن
اهو عشنا وطلنا منك
بصه وشمه
دلوك بس مافكرت فى يامنه
وقلت ياعمه
حبيبى انت ياعبد الرحمن
والله حبيبى وتتحب
على قد ماسارقاك الغربه
لكن ليك قلب
مش زى اولاد الكلب
اللى نسيونا زمان
حلوه مرتك وعيولاتك
والا شبهنا
سميتهم ايه
قالوا ايه ونور
ماعارفش تجبلك حتة واد
والا اقولك
يعنى اللى جبناهم
نفعونا فى الدنيا بايه
غيرشى الانسان مغرور
ولسه يامنه
حاتعيش وحاتلبس
لما جايبلى قطيفه وكستور
كنت اديتهمنى فلوس
اشترى للركبه دهان
ابا...ى
يامجلع قوى ياعبد الرحمن
طب دانا ليا ست سنين
مزروعه فى ضهر الباب
لم طلوا عليا احبا
ولا الاغراب
خليهم ينفعوا
اعملهم اكفان !!
كرمش وشى
فاكر يامنه
وفاكر الوش
اوعه تصدقها الدنيا
غش فى غش
اذا جاك الموت ياوليدى
موت على طول
اللى اتخطفوا
فضلوا احباب
صاحيين فى القلب
كان ماحدش غاب
واللى ماتوا
حته حته
ونشفوا حيين
حتى سلامو عليكو
مش بتعدى
من بره الاعتاب
اول مايجيك الموت
افتح
اول ماينادى عليك اجلح
انت الكسبان
اوعى تحسبه حساب
ولا واد ولا بت
ده زمن يوم مايصدق
كداب
سيبهاله بالحال والمال
وانفد
اوعى تبص وراك
الورث تراب
وحيطان الايام طين
وعيالك بيك
مش بيك عايشين
يوه .... يارمان
مشوار طولان
واللى يطوله عن يومه
ياحبيبى حمار
الدوا عاوزاه
لوجيعة الركبه
مش لطوالة العمر
اوعه تصدق الوانه
صفر وحمر
مش كنت جميله ياواد
مش كنت وكنت
وجدعه تخاف منى الرجال
لكن فين شفتونى
كنتوا عيال
بناتى ( رضيه ) "ونجيه "
وماتوا وراحوا
وانا اللى قعدت
طيب يازمان
اوعه تعيش يوم واحد
بعد عيالك
اوعى ياعبد الرحمن
فى الدنيا
وجع وهموم
اشكال والوان
الناس مابتعرفهاش
اوعرهم
لو حاتعيش بعد عيالك
ماتموت
ساعتها بس
حاتعرف
ايه هوه الموت
اول مايجيلك نط
لسة بتحكيلهم بحرى
حكاية فاطنه
وحراجى القط
اباى ماكنت شقى وعفريت
من دون
كل الولدات
كنت مخاوى براوى
وكنت مخبى فى عنيك السحراوى
تملى حاجات
زى الحدايه
تخوى ع الحاجه وتطير
من صغرك
بضوافرواعره
ومناقير
بس ماكنتش كداب
وادينى استنيت فى الدنيا
لما شعرك شاب
قدم البيت
اتهدت قبله بيوت
واصيل هوه
مستنينى لما انوت
حتيجى العيد الجاى
وحتشرب
مع يامنه الشاى
***
حاجىياعمه وجيت
لالقيت يامنه
ولا البيت
***

_________________




عدل سابقا من قبل mahmoudnegm في الخميس أبريل 17, 2008 4:28 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mahmoudnegm.ahlamountada.com
البوسى كات



عدد الرسائل : 39
رقم العضويه : 7
تاريخ التسجيل : 26/03/2008

مُساهمةموضوع: رد: يامنه(عبدالرحمن الابنودي)   الخميس مارس 27, 2008 11:56 am

تسلم ايدك
لك منى كل تقدير واحترام
تقبل مرورى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يامنه(عبدالرحمن الابنودي)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدانا :: المنتدي الادبي :: منتدي الشعر والخواطر-
انتقل الى: