منتدانا


 
الرئيسيةالرئيسية  البوابةالبوابة  مكتبة الصورمكتبة الصور  التسجيلالتسجيل  دخول  

شاطر | 
 

 زياره لضريح عبدالناصر(احمد فؤاد نجم)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mahmoudnegm
المدير
المدير
avatar

عدد الرسائل : 288
رقم العضويه : 1
تاريخ التسجيل : 23/03/2008

مُساهمةموضوع: زياره لضريح عبدالناصر(احمد فؤاد نجم)   الإثنين مارس 24, 2008 4:04 pm


السكه مفروشه تيجان الفل والنرجس
والقبه صهوه فرس عليها الخضر بيبرجس
والمشربيه عرايس بتبكي
والبكا مشروع
مين دا اللي نايم وساكت
والسكات مسموع
سيدنا الحسين
والا صلاح الدين
والا الامام
دستور ياحراس المقام
ولا الكلام بالشكل ده ممنوع
على العموم انا مش ضليع في علوم الانضباط
ابويه كان مسلم صحيح
وكان غبي
وكان يصلي ع النبي
عند الغضب والانبساط
ابويا كان فلاح تعيس
في ليله ضلمه خلفوه
وف خرقه سوده لفلفوه
وف عيشه غبرا طلعوه
ولصموه
وطلسموه
ودجنوه
وجهزوه
وجوزه على عماه
فكان محير في هواه
مابين امي ومابين الجاموسه
وكان يخاف يقتل ناموسه
وكان خجول...خجول...خجول
لكنه كان دايما يقول
استغفر الله العظيم من باب الاحتياط
ابويه طلعتوه حمار
فكان طبيعي يجيبني جحش
لا اعرف نبي من اجنبي
ولا مين ماجاش ولا فين ماراحش
موسى نبي
عيسى نبي
وياقلبي صلي ع النبي
وكل وقت وله ادان
وكل عصر وله نبي
واحنا نبينا كده
من ضلعنا نابت
لامن سماهم وقع
ولا من مره شابت
ولا انخسف له القمر
ولاالنجوم غابت
ابوه صعيدي وفهم
قام طلعه ظابط
ظبط على قدنا
وع المزاج ظابط
فاجومي من جنسنا
مالوش مره سابت
فلاح قليل الحيا
اذا الكلاب عابت
ولا يطاطيش للعدا
مهما السهام صابت
عمل حاجات معجزه
وحاجات كثير خابت
وعاش ومات وسطنا
على طبعنا ثابت
وان كان جرح قلبنا
كل الجراح طابت
ولا يطولوه العدا مهمها الامور جابت

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mahmoudnegm.ahlamountada.com
البوسى كات



عدد الرسائل : 39
رقم العضويه : 7
تاريخ التسجيل : 26/03/2008

مُساهمةموضوع: رد: زياره لضريح عبدالناصر(احمد فؤاد نجم)   الخميس مارس 27, 2008 12:06 pm

تسلم ايدك اخى
لك مل تقدير واحترام
تقبل مرورى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احمد



عدد الرسائل : 10
تاريخ التسجيل : 03/04/2008

مُساهمةموضوع: رد: زياره لضريح عبدالناصر(احمد فؤاد نجم)   الخميس أبريل 24, 2008 1:25 pm

مشكور علي موضوعك انا بحب نجم جدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
زياره لضريح عبدالناصر(احمد فؤاد نجم)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدانا :: المنتدي الادبي :: منتدي الشعر والخواطر-
انتقل الى: